Bi baimen mota daude hirian filmatzeko:

• Leku publikoak erabiltzeko baimenak: Bilboko Udalak ematen ditu BiFicen bidez, bai leku publikoen erabilera ohikorako bai erabilera berezirako (errepideak edota kaleak ixtea etab.). "Gida profesionala (baimenak eta lizentziak)" atalean eta filmatzeetako kokapenen errenkadan formulario bat dago, zer ekintza egingo diren zehazteko. Bete eta dagokion helbidera bidaliko da, posta elektronikoz, eta BiFicek beharrizanak aztertu, tokiaren erabilgarritasunaren berri eman eta filmatze-tasen aurrekontua bidaliko du.
• Leku pribatuak erabiltzeko baimenak: Baimen hauek entitate bakoitzari eskatu behar zaizkio zuzenean. Horrelakoetan, BiFicek (eta Udalak) ez du eskuduntza nahikorik.

Bilbao Film Commission (BiFic) ikus-entzunezkoak sustatzeko udal bulegoa da eta hiria filmatzeko kokagunetzat indartu eta sustatzea du helburu. Horretarako, laguntza eta informazioa emango die Bilbon filmatzeko interesa agertzen dutenei.

Ez dauka irabazi asmorik; izan ere, Bilboko Kultura Sailaren bidez Udalaren menpean dagoen zerbitzu publikoa da.

BiFicen kudeaketa eta aholkularitza zerbitzuak ez dira ordaindu behar. Hala ere, BiFicek filmazioaren beharren arabera zehaztutako filmatze-tasa ordaindu behar da. Horretarako, aurrekontu bat egingo da, kasuan-kasuan.

Web honen bidez, Bilbon filmatzeko behar den informazio gehiena lor daiteke. "Gida profesionala" eta "Kokapenak" atalean eta orri honetan bertan jakingarri guztiak ikus daitezke.

Gainera, BiFicen bulegoetara ere jo daiteke edota informazioa lehen aipatutako pertsonari eskatu telefonoz.

Informazio hori guztia webgune honetan bertan aurki daiteke, "Gida profesionala" atalean. Gainera, BiFicek ikus-entzunezko zerbitzuen gida kaleratuko du laster.

Colon de Larreategi kalea, 37, 4. solairua
48009 Bilbo
Telefono / fax zenbakia: 34 94 424 86 98 / 34 94 424 56 24
Helbide elektronikoa: info@bific.com